توخمە سەرەکییەکانی دانیشتنی ستراتیژی:

تایبەتمەندکردن:

دانیشتنی ستراتیژی بەپێی ئاستەنگ و ئامانجە ناوازەکانی دامەزراوەکەت بەڕێوەدەچێت، بە وردی دادەڕێژرێت بۆ ئەوەی چارەسەری پێداویستییە تایبەتەکانت بکات، دڵنیابوون لە وەی کاریگەر و یارمەتیدەردەبێت.

بەشداریکردنی  هاوبەش:

لە دانیشتنێکی ستراتیژیدا، ئەندامانی سەرەکی تیمەکە چالاکانە بەشداری لە گفتوگۆکاندا دەکەن، تێڕوانینەکان هاوبەش دەکەن و بەشداری دەکەن لە پرۆسەی بڕیاردان. سروشتی هاوبەشی ئەم دانیشتنانە درووستکردنی  هەستی خاوەندارێتی و پابەندبوونە.

پلاندانانی ورد:

سەرنج و ئامانجی سەرەکی دانیشتنێکی ستراتیژی  بریتیە لە پلاندانان و بڕیاردان. جا چ دانانی ئامانج بێت، چارەسەرکردنی ئاستەنگەکان بێت، یان پێشبینیکردنی داهاتوو، دانیشتنەکە سەکۆیەکی تایبەت بۆ هەوڵەکان دابین دەکات.

ژینگەیەکی کاری تەندرووست و سەرنجراکێش:

ژینگەیەکی تەندرووست و سەرنجراکێش و دینامیکی تایبەتمەندی دانیشتنێکی ستراتیژییە. گفتوگۆ و کۆبوونەوەکان و وۆرک شۆپەکان بە شێوەیەک داڕێژراون کە هاندەری بەشداریکردن و بیرکردنەوەی داهێنەرانە و ئاڵوگۆڕی بیرۆکەکان بن.

پێکهاتەی کاتیی:

دانیشتنە ستراتیژییەکان چوارچێوەیەکی کاتیی دیاریکراویان هەیە بۆ دڵنیابوون لە باشبەڕێوەچوون و بەدەستهێنانی ئەنجامێکی وورد. ئەم ڕێبازە پێکهاتەدارە یارمەتی تیمەکان دەدات زۆرترین سوود لە کاتەکانیان پێکەوە وەربگرن و دەرئەنجامە بەرجەستەکراوەکان بەدەستبهێنن.

دانیشتنە ستراتیژیەکان زۆر گرنگن

•  ماوەکانی گۆڕانکاری و ئینتیقالی دامەزراوەکان: لە کاتی گۆڕانکاری ڕێکخراوەییدا، وەک یەکگرتن، بەدەستهێنان، گواستنەوەی سەرکردایەتی، یان چوونە ناو بازاڕە نوێیەکان، دانیشتنە ستراتیژییەکان یارمەتی ڕێکخستنەوەی ئامانجەکان دەدەن و دیدێکی یەکگرتوو مسۆگەر دەکەن.
•  پلاندانان و پێداچوونەوەی ساڵانە: ئەنجامدانی دانیشتنە ستراتیژییەکان ساڵانە ڕێگە بە دامەزراوەکان دەدەن بیر لە ئەدای ساڵی ڕابردوو بکەنەوە، ئامانجەکان هەڵسەنگێننەوە و ئاراستەیەکی ستراتیژی بۆ ساڵی داهاتوو دابنێن.
•  گۆڕانکاری یان ناسەقامگری بازاڕ: لە وەڵامی گۆڕانکارییە بەرچاوەکانی بازاڕ، پچڕانی تەکنەلۆژی، یان گۆڕانکاری لە ڕەفتاری بەکاربەران، دانیشتنە ستراتیژییەکان یارمەتی دامەزراوە و کۆمپانیاکان دەدەن خۆیان بگونجێنن و ستراتیژییەکان دابڕێژن بۆ ئەوەی لە کێبڕکێدا بمێننەوە.
•  بەڕێوەبردنی قەیرانەکان: لە کاتی ڕووبەڕووبوونەوەی قەیرانەکان، چ ناوخۆیی بێت یان دەرەکی، دامەزراوە و کۆمپانیاکان دەتوانن سوود لە دانیشتنە ستراتیژییەکان وەربگرن بۆ هەڵسەنگاندنی دۆخەکە و دەستنیشانکردنی مەترسییەکان و پەرەپێدانی ستراتیژییەکانی بەڕێوەبردنی قەیرانەکان.
• دروستبوونی سەرکردایەتی یان بۆردێکی نوێ: کاتێک ئەندامانی سەرکردایەتی یان دەستەی کارگێڕی نوێ بەشداری دەکەن، دانیشتنە ستراتیژییەکان زۆر گرنگن بۆ ئەوەی لەگەڵ ئەرک و دیدگا و ئامانجە ستراتیژییەکانی دەمەزراوەکە بگونجێن.
• عدم الوضوح أو ناڕوونی و رێکخستن: ئەگەر ناڕوونی یان یەکڕیزی لە نێوان ئەندامانی تیمدا سەبارەت بە ئامانجە دەمەزراوەییەکان هەبێت، کۆبوونەوە ستراتیژییەکان یارمەتیدەرن بۆ درووستکردنی لێکتێگەیشتن و کۆدەنگی.